[Breaking news][7]

முக்கிய செய்திகள்
தேசம்
தாயகம்
அரசியல்
எச்சரிக்கை
கண்டனம்
எடப்பாடி
எதிர்ப்பு
ஆட்சி
அதிர்ச்சி
அதிரடி
ஆணையம்
உயர்நீதிமன்றம்
உச்சநீதிமன்றம்
அறிக்கை
கலகம்
கர்நாடகா
திமுக
தேர்தல்
கலவரம்
குற்றம்
தமிழகம்
அஇஅதிமுக
காவிரி விவகாரம்
சட்டமன்றம்
காவிரி
போராட்டம்
ஒத்திவைப்பு
நாடாளுமன்றம்
அதிமுக
காவல்
உயிர்பலி
சர்வதேசம்
இணைப்பு
முகஸ்டாலின்
மோதல்
18mla
அமமுக
பாஜக
மு.கருணாநிதி
முக அழகிரி
வழக்கு
சிறப்புக்கட்டுரை
சேலம்
பாலியல் குற்றங்கள்
ராசிபலன்கள்
கல்வி
காங்கிரஸ்
தகுதிநீக்கம்
தேர்தல் ஆணையம்
மகளிர்
11mla
ஊழல்
கொலை
சசிகலா
தாக்குதல்
தினகரன்
தினப்பலன்கள்
தெய்வீகம்
மத்திய அரசு
மிரட்டல்
ஆதார்
கடத்தல்
காமலீலை
காஷ்மீர்
கூட்டாட்சி
பசுமைவழிச் சாலை
பயிற்சி
மரணம்
முக ஸ்டாலின்
முகஅழகிரி
ரத்து
ஸ்டெர்லைட்
ammk
ttv
அதிகாரிகள்
இரங்கல்
இராசிகள்
இராணுவம்
இராமநாதபுரம்
உறுப்பினர் சேர்க்கை
உளவு பார்த்தல்
குட்கா
கூட்டுறவு
சிறார் வன்கொடுமை
திருட்டு
தெலுங்கானா
தேர்வு
நம்பிக்கை
பாராளுமன்றம்
மருத்துவம்
விசாரணை
விமர்சனம்
24 மணி நேரம்
Status
neet
அமைச்சர்
அரசு ஊழியர்கள்
ஆய்வு தகவல்
இறப்பு விகிதம்
என்கவ்ன்டர்
ஒரே தேர்தல்
கமல்
காங்
கிரகம்
குஜராத்
கேரளா
சங்கம்
சிறப்பு தொடர்.
சுகாதாரம்
செங்கோட்டையன்
சோதனை
தடை
தமிழர்கள்
தற்கொலை
தலித்
திவாகரன்
தீர்மானம்
நதிகள்
நலத்திட்ட உதவிகள்
பட்டியல்
மணல் கொள்ளை
மம்தா
முகருணாநிதி
முடிவுகள்
முதல்வர்
மேற்கு வங்கம்.
மோசடி
ரேஷன்
வருமானவரி
விடுமுறை
110 விதி
IAS
Sterlite
abdulkalam
abj abdulkalam
ops
ramnad
thippu
அகதிகள்
அமித்ஷா
அமெரிக்கா
அரசு
அரசு கேபிள்
அறிவாலயம்
அழகிரி
ஆன்லைன்
இடமாறுதல்
இடைத் தேர்தல்
இடைத்தேர்தல்
இந்திய தேர்தல் ஆணையம்
இந்தியா
உணவகம்
உணவு
உறுப்பினர்
உள்துறை
உள்ளாட்சித் தேர்தல்
ஊரடங்கு
எடப்பாடியார்
ஒரே நாடு
ஒரே நாடு ஒரே தேர்தல்
ஓய்வு
கடல் சீற்றம்
கட்டணம்
கனிம வளங்கள்
கழிவுகள்
காஞ்சிபுரம்
காவல்துறை
காஷ்மீர். கல்வீச்சு. காயம். கேரளா.
குடிநீர்
குடியரசுத் தலைவர்
குழப்பம்
குவாரிகள்
கூட்டநெரிசல்
கேபிள்
கேஸ்
கொரொனா
கொள்முதல்
கொள்ளை
கோவில்
சட்ட வரைவு
சட்டம்
சட்டம் ஒழுங்கு
சந்திரசேகர ராவ்
சமையல்
சவடு மண்
சாக்கடை
சாரம்சம்
சிகிச்சை
சின்னம்
சிறப்புத் தொடர்
சுவிஸ் பேங்க்
சூப்பர் சிங்க
செந்தில்கணேஷ்
சேதம்
சேர்க்கை/நீக்கம்
சோனியா
ஜாக்டோ ஜியோ
ஜாக்டோ-ஜியோ
டாஸ்மாக்
டில்லி
ட்ராய்
தடுப்பு சட்டம்.
தண்டனை
தண்ணீர்
தமிழன் பிரசன்னா
திமுக , மிரட்டல், குடியுரிமை, சட்டம், பாஜக
தீர்வு
துப்பாக்கிச்சூடு
தூக்கு தண்டனை
தூத்துக்குடி
தேசியம்
தொழில்துறை
தொழில்நுட்பப்பிரிவு
நகராட்சி
நாடாளுமன்றம்....
நிர்மலா சீத்தாராமன்
நீக்கம்
பதவி
பதவி பறிப்பு
பன்னீர்
பரமக்குடி
பற்றாக்குறை
பலி
பள்ளிகல்வித்துறை
பாதுகாப்பு
பிரச்சாரம்
பெண் வன்புணர்வு
பேரம்
பொதுச்செயலாளர்
பொருளாதாரம்
போர்க்களம்
மக்கள்
மக்கள் அவதி
மக்கள் நீதி மய்யம்.
மணல்
மணல் கடத்தல்
மதமாற்றம்
மரண தண்டனை
மருத்துவர்
மர்மம்
மல்லைய்யா
மாசெ
மாதம்
மாதர்சங்கம்
மானியம்
மின்சாரம்
மிஷோரம்
முதலிடம்
முதலீடு
முதல்வர் அதிரடி
முயற்சி
முறைகேடு
மெரினா
ராகு கேது
ராகுல்
ராஜலஷ்மி
ராமதாஸ்
ரேசன்
லோக் அயுக்தா
வகுப்புகள்
வங்கி மோசடி
வதந்தி
வன்கொடுமை
வன்முறை
வறட்சி
வலைவீச்சு
வழக்குபதிவு
வாக்காளர்
வாக்காளர் சேர்க்கை/நீக்கம்
வாக்கு
வார விடுமுறை
விசாரணை ஆணையம்
விபச்சாரம்
விலை உயர்வு
விளையாட்டு
விவேக்
வீழ்ச்சி
வெற்றி
வெள்ளப்பெருக்கு
வைப்பு நிதி

Ad Section

ஐந்தாண்டு சாதனைகளை "ஓராண்டில் சாதித்த சட்டமன்ற உறுப்பினர் !

ஐந்தாண்டு சாதனைகளை ஓராண்டில் சாதித்துக் காட்டிய சட்டமன்ற உறுப்பினர்!



பதவி வரும் போது பணிவும் வரவேண்டும், துணிவும் வரவேண்டும் ,தோழா ! என்கிற புரட்சித்தலைவரின் வார்த்தைகளின்படி செயல்பட்டு, ஐந்தாண்டுகளில் செய்ய வேண்டிய மக்களின் அடிப்படை வசதிகளை ஓராண்டில் செயல்படுத்தியதோடு, தொடர்ந்து மக்களின் தேவைகளைக் கண்டறிந்து செயல்பட்டு வரும் பரமக்குடி சட்டமன்ற உறுப்பினர் N.சதர்ன் பிரபாகர் மற்ற சட்டமன்ற உறுப்பினர்களுக்கு முன்னோடியாக திகழ்ந்து வருகிறார்...

கடந்த 2016ம் ஆண்டில் பரமக்குடி சட்டமன்ற உறுப்பினராக தேர்ந்தெடுக்கப்பட்டவர் டாக்டர்.முத்தையா. ஆனால் எதிர்பாராத அரசியல் மாற்றத்தினால் Ttv தினகரனின் ஆதரவாளராக ,ஆளும் அஇஅதிமுக வுக்கு எதிராக செயல்பட்ட காரணத்தினால் தகுதிநீக்கம் செய்யப்பட்டார். அவர் சட்டமன்ற உறுப்பினராக தேர்வானது முதல் தகுதிநீக்கம் செய்யப்பட்ட நாள்வரையிலான இடைப்பட்ட நாட்களில் பரமக்குடி சட்டமன்ற தொகுதிக்குட்பட்ட பகுதி மக்களின் அடிப்படைத் தேவைகளைப் பற்றி துளியும் அக்கறையின்றி செயல்பட்டதன் விளைவாக "பரமக்குடி சட்டமன்றத் தொகுதிக்குட்பட்ட கிராமப்புற மக்களின் "அடிப்படைத் தேவைகளான குடிநீர், சுகாதாரம், சாலைகள், மின்சாரம் உள்ளிட்ட பல்வேறு மக்களின் பிரச்சினைகள் மூன்றாண்டுகளாக தீர்வு காணப்படாமல் #மக்கள் பெரும் அதிர்ப்தியில் குமுறிக் கொண்டிருந்தனர். 

இந்நிலையில் 2019ம் ஆண்டில் நாடாளுமன்றத் தேர்தலுடன், தகுநீக்கம் செய்யப்பட்ட 18 தொகுதிகளுக்கும், சட்டமன்ற உறுப்பினர்களின் மரணத்தால் காலியான 4தொகுதிகளுக்கும் இடைத்தேர்தல் நடந்தது.
இத்தேர்தலில் பரமக்குடி சட்டமன்றத் தொகுதியின் வேட்பாளராக  போட்டியிட்டு, தன்னை எதிர்த்து போட்டியிட்டு எதிர்க்கட்சி வேட்பாளர்களைவிட அதிகளவு வாக்கு வித்தியாசத்தில் வெற்றி பெற்றார் N.சதன் பிரபாகர்.. 
முன்னதாக தான் போட்டியிடும் பரமக்குடி தொகுதிக்குட்பட்ட பகுதி மக்களிடம் வாக்கு சேகரிக்க சென்ற இடங்களில் எல்லாம் "உங்களின் அடிப்படைத் தேவைகளைப் பூர்த்தி செய்வதற்கவே சட்டமன்ற உறுப்பினராக போட்டியிடுவதாகக் கூறி வாக்கு சேகரித்தார்... அவருடைய வாக்குறுதிகளையும், வாக்கு சேகரிக்கும் அனுகுமுறையையும் நம்பிய மக்கள் #அமோக ஆதரவளித்து பரமக்குடி சட்டமன்ற உறுப்பினராக N.சதன் பிரபாகர் அவர்களைத் தேர்ந்தெடுத்தனர்.


வெற்றி பெற்றால் போதும் என நினைத்து,  வெற்றி பெற்ற பிறகு மக்களையே சந்திக்காத சட்டமன்ற உறுப்பினர்கள் பலரைப் பார்த்து சலித்துப்போன மக்களுக்கு , "தன்னை வெற்றிபெற வைத்த பரமக்குடி சட்டமன்ற தொகுதிக்குட்பட்ட பகுதி மக்களிடையே நேரில் சென்று "நன்றி தெரிவித்து " நான் நன்றி மறவாதவன் என்பதை செயலில் காட்டி வருகிறார்.



👉நாள் தோறும் ஒவ்வொரு கிராமமாக சுற்றிவந்து,  மக்களிடம் குறைகளைக் கேட்டு, கோரிக்கை மனுக்களைப் பெற்று சம்பந்தப்பட்ட துறை அமைச்சர்களிடமும், அரசு அதிகாரிகளிடமும் முறையிட்டு #தன்னை நம்பி வாக்களித்த தொகுதி மக்களின் தேவைகளைப் பூர்த்தி செய்வதில் கண்ணும் கருத்துமாக செயல்பட்டு வருவதோடு,



👉 தனது MLA நிதி முழுவதையும் தொகுதி மக்களின் அடிப்படைத் தேவைகளைப் பூர்த்தி செய்வதற்கென மட்டுமே செலவிட்டு வருகிறார்.

👉சாலை வசதிகளை மேம்படுத்த ஆய்வுகளை மேற்கொண்டு, துறை சார்ந்த அமைச்சரிடம் முறையிட்டு,நிதிகளைப் பெற்று தனது தொகுதிக்குட்பட்ட அனைத்து கிராம சாலைகளையும் தரமான தார் சாலைகளாக மாற்றியுள்ளார். 

👉தொகுதி மக்களின் குடிநீர்ப் பிரச்சினைக்கு நிரந்தரத்தீர்வு ஏற்படுத்தும் வகையில் #சுத்தமான குடிநீர் வழங்கும் ROப்ளான்ட் படிப்படியாக அமைத்து வருகிறார் 

👉படித்த பட்டதாரி மாணவ,மாணவர் அரசு வேலை பெறும் வகையில் TNPSC பயிற்சி மையத்தை அமைத்துள்ளார். 

👉கிராமப்புற பட்டதாரி மாணவர்களுக்கு வேலை வாய்ப்பை ஏற்படுத்தும் நோக்கில் "80 க்கும் மேற்பட்ட தனியார் துறை நிறுவனங்களின் ஒத்துழைப்போடு "வேலை வாய்ப்பு முகாம்" நடத்தி பல்வேறு பட்டதாரி மாணவர்களின் வாழ்வில் ஒளியேற்றியுள்ளார்.

👉எப்போது சென்றாலும் MLA வை சந்திக்க முடியும் என்ற நம்பிக்கையை தொகுதி மக்களிடம் ஏற்படும் வகையில்,  எளிதில் அனுகக் கூடியவராக திகழ்கிறார் சட்டமன்ற உறுப்பினர் சதர்ன் பிரபாகர். இவரின் முயற்சியால் பல்வேறு பணிகள் அரசின் ஒப்புதல் பெற்று மக்கள் பயன்பாட்டிற்கு விரைவில் வரஉள்ளது.. சில, 

👉போகலூர் ஒன்றியம் -மந்திவலசை கிராம வைகையாற்றின் குறுக்கே பாலம் அமைக்கும் பணி நடந்து வருகிறது.

👉 பரமக்குடி நகராட்சிகுட்பட்ட சாலைகள் 6 கோடி ரூபாய் செலவில் புதுப்பிக்கப்பட்டு வருகிறது. 

👉நயினார் கோவில் நாகநாத சுவாமி திருக்கோவில் தெப்பக்குளம் மேம்படுத்த சுற்றுலாத்துறை அமைச்சருக்கு கோரிக்கை வைத்ததன் எதிரொலியாக விரைவில் தெப்பக்குளம் சீரமைக்கப்படவுள்ளது.

👉பரமக்குடி நகரில் பாதாள சாக்கடைத் திட்டம் விரைவில் செயல்படுத்த முதல்வருக்கு கோரிக்கை வைத்ததன் விளைவாக விரைவில் பணிகள் துவங்க உள்ளது.

👉பரமக்குடி அரசு மருத்துவமனையை தரம் உயர்த்துதல், பரமக்குடி பகுதி மக்களின் படிக்கும் ஆர்வத்தை வளர்க்கும் விதமாக அரசு நூலகத்திற்கு சொந்த கட்டிடம் அமைத்தல்,

👉பரமக்குடி நகரின் குடிநீர்த் தேவையைப் பூர்த்தி செய்ய Mla நிதியில் 70 லட்சத்தை வழங்கியுள்ளார்.. 
மேலும் நடந்து முடிந்த உள்ளாட்சித் தேர்தலில் தனது தொகுதிக்குட்பட்ட இரண்டு ஒன்றியங்களில் அஇஅதிமுக வெற்றி பெற கடுமையாக முயற்சித்து அதில் வெற்றி கண்டவர்... 



#கொரோனா ஒழிப்பு ஊரடங்கு துவக்கம் முதல் தனது தொகுதி மக்களின் அத்யாவசிய உணவு , உள்ளிட்ட அடிப்படைத் தேவைகளைப் பூர்த்தி செய்திட நாள் தோறும் சுற்றிவந்து #மக்களின் தேவைகளைப் பூர்த்திசெய்து மற்றவர்களுக்கு முன்னோடியாக செயல்பட்டு வரும் பரமக்குடி தொகுதி சட்டமன்ற  உறுப்பினர் N.சதன் பிரபாகர் அவர்களுக்கு "நம்நாடு செய்திகள் " சார்பாக வாழ்த்துக்கள்.



ஐந்தாண்டு சாதனைகளை "ஓராண்டில் சாதித்த சட்டமன்ற உறுப்பினர் !

80 சதவீதம் கொரொனா நோயாளிகளுக்கு எந்த அறிகுறிகளும் தென்படவில்லை!

இந்தியாவில் கொரோனா தொற்றால் பாதிக்கப்பட்டவர்களில் 80% பேர் எந்த அறிகுறிகளும் இல்லாதவர்கள் அல்லது, நோய்த்தொற்று அறிகுறிகள் வெளிப்படாதவர்கள் என்றும், இது கவலைக்குரிய விஷயம் என்றும் இந்திய மருத்துவ ஆராய்ச்சி கவுன்சிலை சேர்ந்த மூத்த விஞ்ஞானி ஒருவர் தனியார் ஊடகமொன்றில் தெரிவித்துள்ளார்.



இதுதொடர்பாக இந்திய மருத்துவ ஆராய்ச்சி கவுன்சிலை சேர்ந்த மூத்த விஞ்ஞானி கங்காகேத்கர் கூறும்போது, இந்தியாவில் கொரோனாவால் பாதிக்கப்பட்ட 80 சதவீதம் பேர் எந்த அறிகுறியும் இல்லாதவர்கள் ஆவார்கள். அதனால், பாதிக்கப்பட்டவர்களை கண்டறிவது என்பது பெரும் கவலையை ஏற்படுத்தியுள்ளது. இதற்கு தொடர்பு தடமறிதலை (contact-tracing) தவிர வேறு வழியே இல்லை என்று அவர் கூறியுள்ளார். 

இந்தியாவில் கொரோனா வைரஸ் பாதிக்கப்பட்டவர்களின் எண்ணிக்கை 17,265ஆக உயர்ந்துள்ளது. இதேபோல், உயிரிழப்பு எண்ணிக்கையும் 543ஆக அதிகரித்துள்ளது. கடந்த 24 மணி நேரத்தில் மட்டும் 1,553 பேர் புதிதாக கொரோனாவால் பாதிக்கப்பட்டுள்ளனர் என்றும் 36 பேர் உயிரிழந்துள்ளதாகவும் மத்திய சுகாதார அமைச்சகம் தகவல் தெரிவித்துள்ளது. இதைத்தொடர்ந்து, இன்னும் கண்டறியப்படாத பல அறிகுறியற்ற நபர்கள் இருக்கலாம் என்ற கவலை எழுந்துள்ளது. 

இது தொடர்பாக கங்காகேத்கர் கூறும்போது, அறிகுறி இல்லாதவர்களை கண்டறிவது என்பது மிகவும் கடினமானது. கொரோனா தொற்று உறுதி செய்யப்பட்ட நபர்களின் தொடர்புகளை தடமறிந்த பின்னரே அவர்களை கண்டறிய முடியும் என்று அவர் கூறியுள்ளார். 

பாதிப்பு எண்ணிக்கையானது அவ்வளவு அதிகமாக இருக்காது. மே இரண்டாவது வாரத்தில், அதனை சிறந்த முறையில் மதிப்பீடு செய்யும் நிலையில் நாம் இருப்போம் என்று அவர் தெரிவித்தார். 

தொடர்ந்து அவரிடம், அறிகுறிகள் தென்படாதவர்களிடம் கொரோனா இருப்பதை கண்டறிய சோதனை முறையில் மாற்றம் இருக்குமா? என கேள்வி எழுப்பியபோது, என்ன மாற்றம் செய்ய முடியும்? அதற்கான வாய்ப்புகள் தற்போது இல்லை.

ஹாட்ஸ்பாட் பகுதிகளில் இன்ஃப்ளூயன்ஸா போன்ற நோய்க்கான (ILI) சோதனைகள் மேற்கொள்ளப்படுகின்றன. மேலும், என்ன நடவடிக்கைகள் எடுக்க முடியும் என்று எனக்கு தெரியவில்லை என்றும் அவர் கூறியுள்ளார். 

முன்னதாக நேற்றைய தினம் செய்தியாளர்களை சந்தித்த டெல்லி முதல்வர் அரவிந்த் கெஜ்ரிவால், அறிகுறிகளே இல்லாதவர்களுக்கு கொரோனா பாதிப்பு இருப்பது உறுதி செய்யப்பட்டுள்ளது.

அண்மையில் 736 பேரிடம் இருந்து சேகரிப்பட்ட மாதிரியில், 186 பேருக்கு கொரோனா பாதிப்பு இருப்பது உறுதிசெய்யப்பட்டது. இவர்கள் யாருக்கும் தங்களுக்கு கொரோனா வைரஸ் பாதிப்பு இருப்பது என்பதே தெரியாமல் அதனுடன் வலம் வருவார்கள் என்றும் அவர் கூறினார்.

ராஜஸ்தானில் கொரொனாவினால் பாதிக்கப்பட்டு இறந்த குழந்தையைக் வாரியணைத்துக் கதறியழும் தந்தை...

80 சதவீதம் கொரொனா நோயாளிகளுக்கு எந்த அறிகுறிகளும் தென்படவில்லை!

இளைஞர்களின் வாழ்கையை கேள்விக்குறியாக ஆக்கப் போகும் கொரொனா?

தமிழகத்தில் ஊரடங்கு உத்தரவை மீறி சாலைகளில் நடமாடுவோர் மீது பல்வேறு பிரிவுகளில் வழக்கு தொடரப்படுகிறது. இதில் சிக்கும் இளைஞர்கள் அரசு மற்றும் தனியார் வேலையில் சேர்வதிலும், வெளிநாடு செல்வதிலும் சிக்கல் ஏற்படும் என்பதால் அவர்களின் எதிர்காலம் கேள்விக்குறியாகி உள்ளது.

கரோனா வைரஸ் பரவலைத் தடுப்பதற்காக நாடு முழுவதும் ஊரடங்கு அமல்படுத்தப்பட் டுள்ளது. அத்தியாவசிய தேவை களுக்காக மட்டும் பொதுமக் கள் வெளியில் வர அனுமதிக் கப்பட்டுள்ள நிலையில், இளை ஞர்கள் பலர் பொழுதுபோக் குக்காக வாகனங்களில் ஊர் சுற்றுகின்றனர். இவர்கள் மீது காவல்துறையினர் பல்வேறு பிரிவுகளில் வழக்கு பதிவு கைது செய்து, வாகனங்களையும் பறிமுதல் செய்கின்றனர்.


அதன்படி, திருச்சி உள்ளிட்ட 8 மாவட்டங்கள் அடங்கிய மத்திய மண்டல காவல்துறை சார்பில் 32,837 வழக்குகளின் கீழ் 36,084 பேரையும், திருச்சி மாநகரில் 1,048 வழக்குகளின்கீழ் 2,555 பேரையும் போலீஸார் கைது செய்துள்ளனர். மாநிலம் முழுவதும் இந்த எண்ணிக்கை ஒரு லட்சத்தைத் தாண்டிவிட்டது.

கரோனா முன்னெச்சரிக்கை நடவடிக்கை காரணமாக கைதா கும் நபர்களை சிறைக்கு அனுப் பாமல் உடனடியாக ஜாமீனி லேயே விடுவித்தாலும்கூட, இவர்கள் மீதான வழக்குகள் காவல்துறையினரின் தொடர் நடை முறைகளுக்கு உட்படுத்தப்படும் வகையிலேயே உள்ளன. இதனால் வழக்கில் சிக்கியவர்களின் எதிர் காலம் கேள்விக்குறியாகும் நிலை உள்ளது.

தனியார் வேலையும் கிடைக்காது!

இதுகுறித்து மத்திய மண்டல ஐ.ஜி அ.அமல்ராஜ் கூறும்போது, ‘ஊரடங்கு உத்தரவை மதிக்காமல் செயல்படும் நபர்கள் மீது இந்திய தண்டனைச் சட்டம், கொள்ளைநோய் தடுப்புச் சட்டம், தமிழ்நாடு பொது சுகாதாரச் சட்டம், பேரிடர் மேலாண்மைச் சட்டம் ஆகியவற்றின் கீழ் வழக்கு பதிவு செய்யப்படுகிறது. இதில் குற்றவாளியாக சேர்க்கப்படும் நபர்களால் வழக்கு முடியும் வரை அரசு வேலைக்குச் செல்ல முடியாது. பாஸ்போர்ட் பெற முடியாது. கல்வி, தொழில், மருத்துவத்துக்காக வெளி நாடும் செல்ல முடியாது. தற்போது, முன்னணி தனியார் நிறுவனங்களில்கூட காவல் துறை யினரின் விசாரணை அறிக்கை பெற்ற பிறகே ஒருவரை பணிக்கு அமர்த்துவதால், இவ்வழக்கில் சிக்குவோரால் முன்னணி தனியார் நிறுவனங்களி லும் வேலைக்கு சேர முடியாது. எனவே, இளைஞர்களும், பொது மக்களும் அவசியமின்றி வீடுகளை விட்டு வெளியே வந்து வழக்கில் சிக்காமல், முன்னெச்சரிக்கையுடன் இருக்க வேண்டும்’ என்றார்.

வாய்தாவால் வீண் அலைச்சல் !

முன்னாள் அரசு வழக்கறிஞர் எட்வின் ஜெயக்குமார் கூறும்போது, ‘‘ஊரடங்கு உத்தரவை மீறுவது தொடர்பாக, ஒரேநேரத்தில் லட்சக்கணக்கான வழக்குகள் பதிவு செய்யப்படுவதால், அவற்றின் மீதான குற்றப்பத்திரிகை தயார் செய்தல், விசாரணை உள்ளிட்ட நீதிமன்ற நடைமுறைகளை மேற்கொள்ள பல மாதங்களோ, ஆண்டுகளோ ஆகலாம். அதுவரை இவ்வழக்கின் குற்றவாளியாகச் சேர்க்கப்பட்டுள்ள நபர் வாய்தா வுக்காக அலைந்து, மன உளைச்சல் ஏற்படும். எனவே, இன்றைய சந்தோஷத்துக்காக ஊர் சுற்றா மல், நாளை நடக்க உள்ள விபரீதத்தை உணர்ந்து வீட்டில் இருப்பதே சிறந்தது’’ என்றார்.

விதிமீறுவோருக்கு என்ன தண்டனை?

  • இதுதொடர்பாக திருச்சி மாவட்ட சட்டப் பணிகள் ஆணைக்குழு தலைவரும், மாவட்ட முதன்மை நீதிபதியுமான கே.முரளிசங்கர் வெளியிட்டு, பொதுமக்களிடம் விநியோகிக்கப்படும் துண்டுப் பிரசுரத்தில், ‘ ஊரடங்கு உத்தரவை மீறி சாலைகளில் உலா வருவோர் மீது இந்திய தண்டனைச் சட்டம் பிரிவு 188-ன் (அரசின் பொது ஊரடங்கு உத்தரவை மீறுதல்) கீழ் 6 மாத சிறை தண்டனை அல்லது ரூ.1,000 அபராதம் விதிக்கப்படும். பிரிவு 270-ன் கீழ் (உயிர்கொல்லி நோயை பரப்பும் வகையில் அலட்சியமாக நடந்து கொள்ளுதல்) 2 ஆண்டுகள் சிறை அல்லது அபராதம் அல்லது இரண்டும் விதிக்கப்படும். மேலும் பல்வேறு சட்டப் பிரிவுகளின் கீழ் 6 மாதங்கள் வரை சிறை தண்டனை அளிக்கப்படும்’ எனக் குறிப்பிடப்பட்டுள்ளது.

இளைஞர்களின் வாழ்கையை கேள்விக்குறியாக ஆக்கப் போகும் கொரொனா?

இரண்டாம் நிலைக் காவலர் தேர்வில் முறைகேடு ! மூவர் கைது!


காவல்துறை, சிறைத்துறை, தீயணைப்புத்துறை ஆகிய துறைகளில் பணியாளர்களை நியமிப்பதற்கான தேர்வுகளை, சீருடைப் பணியாளர் தேர்வாணையம் நடத்திவருகிறது. கடந்த ஆண்டு ஆகஸ்ட் மாதம் தீயணைப்புத்துறை, சிறைத்துறை ஆகியவற்றில் 8,888 பணியிடங் களுக்கான தேர்வை சீருடைப் பணியாளர் தேர்வாணையம் நடத்தியது. மொத்தம் 3,25,000 பேர் தேர்வு எழுதினார்கள். எழுத்துத் தேர்வில் தேர்ச்சிபெற்றவர்களுக்கு உடல் தகுதித் தேர்வு நடத்தப்பட்டு, இறுதியாக 8,888 பேர் தேர்வுசெய்யப்பட்டனர். அதில், விளையாட்டு வீரர்களுக்கான பத்து சதவிகித இடஒதுக்கீட்டில் ஏராள மானோர் தேர்வாகியிருந்தனர்.

அவர்களில் 800-க்கும் மேற்பட்டோர் போலிச் சான்றிதழ்கள் கொடுத்து பணியில் சேர்ந்துள்ளனர் என்ற விவகாரம்தான் தற்போது பற்றி எரிந்துகொண்டிருக்கிறது.

குரூப்-4 தேர்வு முறைகேடு அம்பலமான ராமநாதபுரம் மாவட்டத்திலேயேதான் சீருடைப் பணியாளர் தேர்வு முறைகேடும் அம்பலமாகியிருக்கிறது. ‘போலிச் சான்றிதழ் கொடுத்து விளையாட்டு வீரர்களுக்கான இடஒதுக்கீட்டில் சிலர் காவலர்களாக பணியில் சேர்ந்துள்ளனர்’ என்று, சில மாதங்களுக்கு முன்பு ராமநாதபுரம் மாவட்ட எஸ்.பி-யான வருண்குமாருக்கு தகவல் கிடைத்தது.

உடனடியாக இரண்டு தனிப்படைகள் அமைத்து விசாரணையை முடுக்கிவிட்டார் வருண்குமார். கமுதியை அடுத்து உள்ள ஓ.கரிசல்குளத்தைச் சேர்ந்த ராஜீவ் காந்தி என்ற ஏஜென்டை முதலில் பிடித்தனர். அவரிடம் நடத்தப்பட்ட விசாரணையில், சென்னை வளசரவாக்கத்தைச் சேர்ந்த கபடி பயிற்சியாளர் சீமான் என்பவருக்கும் இந்த மோசடியில் பங்கு இருப்பது கண்டுபிடிக்கப்பட்டது.

கபடி பயிற்சியாளரான சீமான், சினிமாவில் போலீஸ் வேடத்தில் நடித்திருக்கிறார். அவர் படப்பிடிப்பின்போது எடுக்கப்பட்ட தன் புகைப்படங்களை கடலாடி இளைஞர்களிடம் காட்டி தன்னை போலீஸ் என்று அறிமுகம் செய்துகொண்டார். தொடர்ந்து அவர் போலீஸில் வேலை வாங்கித் தருவதாகக் கூறி பல லட்சங்களை வசூலித்துள்ளார். இதுதவிர, விளையாட்டுப் போட்டிகளில் வெற்றிபெற்றதாக போலிச் சான்றிதழ்களையும் தயாரித்துக் கொடுத்துள்ளார். அவற்றை வைத்துதான் பலர் விளையாட்டு வீரர்களுக்கான இடஒதுக்கீட்டில் காவல்துறையில் பணியில் சேர்ந்துள்ளனர்.



இதை தொடர்ந்து சீமான், ராஜீவ் காந்தி மற்றும் அவர்களிடம் போலிச் சான்றிதழ் பெற்று திருச்சி ஆயுதப்படையில் பணியில் சேர்ந்த ஓ.கரிசல்குளம் பகுதியைச் சேர்ந்த மணிராஜ் ஆகிய மூவரையும் போலீஸார் கைதுசெய்தனர்.
 அவர்களிடம் நடத்தப்பட்ட விசாரணையில் கமுதி வேப்பங்குளத்தைச் சேர்ந்த முத்துமணி, முதுகுளத்தூரைச் சேர்ந்த ராஜசேகரன் ஆகிய இருவரும் ராஜீவ் காந்தியிடம் தலா 30,000 ரூபாய் கொடுத்து போலிச் சான்றிதழ் பெற்று, சமீபத்தில் நடந்த காவலர் தேர்வின்மூலம் பணிக்குத் தேர்வானது தெரியவந்தது. இதேபோல், ஏ.புனவாசல் கிராமத்தைச் சேர்ந்த தவமுருகன் என்பவர் சீமானிடம் 17,000 ரூபாய் கொடுத்து தேசிய கபடி வீரர் என்று போலிச் சான்றிதழ் பெற்று, அதன்மூலம் சமீபத்தில் நடந்த இந்தோ-திபெத் எல்லை காவல்படை பணிக்குத் தேர்வானதும் தெரியவந்தது. இவர்கள் மூவரையும் போலீஸார் கைதுசெய்தனர்.

இதை தொடர்ந்து விளையாட்டு வீரர்களுக்கான இடஒதுக்கீட்டில் தேர்வு செய்யப்பட்ட அனைவரின் சான்றிதழ்களையும் ஆய்வுசெய்ய உத்தரவிட்டுள்ளது காவல்துறை. இதுகுறித்து மாவட்ட விளையாட்டுக் கழகத்தில் பொறுப்பு வகிக்கும் விளையாட்டு வீரர் ஒருவரிடம் பேசினோம்.

‘‘தமிழ்நாடு விளையாட்டு ஆணையத்தால் அங்கீகரிக்கப்பட்ட விளையாட்டு அமைப்புகளில் எப்போது அரசியல்வாதிகளும் முக்கியப்புள்ளிகளும் நுழைந்தார்களோ, அப்போதே முறைகேடுகள் தொடங்கிவிட்டன. அவர்களின் நோக்கம் பணம் சம்பாதிப்பதுதான். வேலைக்காக மட்டுமல்லாமல், பொறியியல் மற்றும் மருத்துவக் கல்லூரிகளில் சீட் வாங்குவதற்கும் விளையாட்டுத் துறை சான்றிதழ்கள் தேவைப்படுகின்றன. இன்றைக்கு ஸ்போர்ட்ஸ் கோட்டா என்பது பணம் கொழிக்கும் விஷயமாக மாற்றப்பட்டுவிட்டது.

சீருடைப் பணியாளர் தேர்வு
தமிழ்நாடு விளையாட்டு ஆணையத்தின் அங்கீகாரம் பெற்ற நூற்றுக்கும் மேற்பட்ட விளையாட்டுகள் உள்ளன. ஒவ்வொரு விளையாட்டுக்கும் மாவட்ட அளவில் பல சங்கங்கள் உள்ளன. அவை நினைத்தால் யாருக்கு வேண்டுமானாலும் சான்றிதழ் வழங்கலாம். இதில் ஒருசில சங்கங்கள் மட்டும்தான் நேர்மையுடன் செயல்படுகின்றன. உண்மையான விளையாட்டு வீரர்களுக்கான வாய்ப்புகளைத் தட்டிப்பறிக்கிறோம் என்ற குற்ற உணர்வே இல்லாமல், பணத்துக்காக தகுதியில்லாதவர்களுக்குச் சான்றிதழ்களைக் கொடுக்கிறார்கள்.

சமீபத்தில்கூட மாநில அளவில் விளையாட்டு ஆலோசனை கமிட்டி ஒன்றை அரசு உருவாக்கியுள்ளது. அதில் காந்த் மட்டும்தான் விளையாட்டு வீரர். மற்ற அனைவரும் பிரபல கல்லூரிகளின் உரிமையாளர்கள்தான். பிறகு எப்படி விளையாட்டுத் துறை மேம்படும்?” என்றார்.

இரண்டாம் நிலைக் காவலர் தேர்வில் முறைகேடு ! மூவர் கைது!

மிரட்டி கையெழுத்து வாங்கும் திமுக ! பொதுமக்களே உஷார்...

சென்னை: மத்திய அரசு கொண்டு வந்துள்ள குடியுரிமை திருத்த சட்டத்திற்கு(சிஏஏ) எதிராக கையெழுத்து இயக்கம் நடத்தி வரும் திமுக.,வை சேர்ந்த பெண்களிடம், சிஏஏ குறித்து ஒருவர் விளக்கம் கேட்க, அவர் 'சம்மந்தமே இல்லாமல் ஏனோ தானோ என்று பிதற்றிய' வீடியோ சமூக வலைதளங்களில் வைரலாக பரவி வருகிறது.

குடியுரிமை திருத்த சட்டத்திற்கு எதிராக போராட்டங்கள், ஆர்பாட்டங்கள் நடத்தி வரும் திமுக மற்றும் அதன் கூட்டணி கட்சிகள், தற்போது கையெழுத்து இயக்கம் தொடங்கி நடத்தி வருகின்றனர். இந்நிலையில் சென்னை போரூர் அருகில் உள்ள காரம்பாக்கம் வீர ஆஞ்சநேயர் கோவில் அருகே திமுக.,வை சேர்ந்த சில பெண்கள், வருபவர்களிடம் கையெழுத்து கேட்டு பெறுகின்றனர். அதில் ஒருவர், ஏன் கையெழுத்து போட வேண்டும் என கேள்வி எழுப்புகிறார்.





சிஏஏ குறித்த 'அ.. ஆ..' கூட தெரியாத அப்பெண்கள், 'மோடி கேக்குற உரிமைய தரல.. நஷ்ட ஈடு காட்டுறாரு.. அத திருத்தி நடவடிக்கை எடுத்து கொண்டு வர கையெழுத்து கேக்குறோம்.. கையெழுத்து போட்டா போடு.. இல்லாட்டி கிளம்பு' என மிரட்டல் தொனியில் பதிலளிக்கின்றனர்.

பேமண்ட் என்று டார்கெட்

என்ன நடவடிக்கைகள் எடுப்பீர்கள் என அந்த நபர் திரும்ப கேட்க, 'டெல்லி போய்ட்டு, நடவடிக்கை எடுத்துட்டு, வாட்ஸ்அப் பண்றோம்' என பதிலளிக்கின்றனர். தொடர்ந்து அவர், எதுக்கு கையெழுத்து வாங்குகிறீர்கள் என கேள்வியால் துளைக்க, 'சதீஷ்-ஐ கூப்பிடு' என அப்பெண்கள் மிரட்டுகின்றனர். இவை அனைத்தையும் அந்த நபர் வீடியோ எடுத்து சமூக வலைதளங்களில் பதிவிட, அது வைரலாக பரவி வருகிறது.

'சிஏஏ குறித்த அடிப்படை கூட தெரியாமல், திமிராக பேசும் அப்பெண்களிடம், பொதுமக்கள் பலரும் என்னவென்று கேட்காமலேயே கையெழுத்து போட்டு போகின்றனர். இவர்களுக்கு இத்தனை கையெழுத்து வாங்கினால், இவ்வளவு பேமண்ட் என்று டார்கெட்' என வீடியோ எடுத்த நபர் அங்கிருந்தவர்களிடம் புலம்பியபடி கிளம்பிச் சென்றுள்ளார்.

திமுக.,வை சேர்ந்த சிலர், வீடியோ எடுத்த நபரை பின்தொடர்ந்து வந்து, எடுத்த வீடியோவை அழிக்கச்சொல்லி மிரட்டியதாகவும், அவர் சமாளித்து அங்கிருந்து சென்றதாகவும், 'ஆட்சிக்கு வராமலேயே திமுக இத்தனை அராஜகம். வந்தால் தமிழகம் என்னவாகும்?' என அங்கிருந்தவர்கள் கூறி சென்றனர்.

மிரட்டி கையெழுத்து வாங்கும் திமுக ! பொதுமக்களே உஷார்...

அரசியல் கட்சியாக அமமுக பதிவு செய்யப்பட்டது பற்றி "நடிகர் மயில்சாமி" யின் கருத்து!!

இடைத்தேர்தலும், உள்ளாட்சித் தேர்தலும்! பாஜக ஆதரவு யாருக்கு?




.'இடைத்தேர்தல் நடக்கும் சட்டசபை தொகுதிகளில், அ.தி.மு.க., வேட்பாளர் வெற்றிக்கு பணியாற்றுவோம்,'' என, முன்னாள் மத்திய அமைச்சர் பொன்.ராதாகிருஷ்ணன் தெரிவித்தார்.

இடைத்தேர்தல் நடக்கும், விக்கிரவாண்டி, நாங்குநேரி சட்டசபை தொகுதிகளில், அ.தி.மு.க., போட்டியிடுகிறது. கூட்டணி கட்சிகளான, தே.மு.தி.க., - பா.ம.க., தலைவர்களை சந்தித்து, அ.தி.மு.க., வேட்பாளருக்கு, அமைச்சர்கள் ஆதரவு கோரினர். ஆனால், பா.ஜ., நிர்வாகிகளை யாரும் சந்திக்கவில்லை. இது, பா.ஜ.,வினரிடம், அதிருப்தியை ஏற்படுத்தியிருந்தது. இந்நிலையில், நேற்று மாலை, மீன் வளத்துறை அமைச்சர் ஜெயகுமார், சென்னையில் உள்ள, தமிழக பா.ஜ., தலைமை அலுவலகம் சென்றார். அங்கு, முன்னாள் மத்திய அமைச்சர் பொன்.ராதாகிருஷ்ணன் மற்றும் பா.ஜ., நிர்வாகிகளை சந்தித்தார்.


அ.தி.மு.க., வேட்பாளர்களுக்கு ஆதரவு கோரினார். இது குறித்து, பொன்.ராதாகிருஷ்ணன், நிருபர்களிடம் கூறியதாவது: இரண்டு தொகுதிகளிலும், அ.தி.மு.க., வேட்பாளரை வெற்றி பெற செய்யும் வகையில், மிக தீவிரமாக செயல்பட உள்ளோம். பா.ஜ., முழு ஆதரவை தர வேண்டும் என, அ.தி.மு.க., மூத்த நிர்வாகிகள், எங்களின் அகில இந்திய தலைமையை, பல முறை தொடர்பு கொண்டு கேட்டுள்ளனர்.

'தமிழக பா.ஜ., சார்பில், யாரெல்லாம் பிரசாரத்திற்கு வர உள்ளனர்' என்ற விபரங்களை கேட்க, அமைச்சர் ஜெயகுமார் வந்திருந்தார். ஏற்கனவே இருக்கிற கூட்டணி என்பதால், எவ்வித பிசிறும் இல்லாமல் பேச்சு நடந்தது. பா.ஜ., சார்பில், யாரெல்லாம் பிரசாரத்திற்கு செல்வர் என்ற பட்டியலை, விரைவில் கொடுப்போம். அ.தி.மு.க., சார்பில், எவ்வித கருத்து வேறுபாடும் சொல்லப்படவில்லை; நாங்களும் சொல்லவில்லை. விக்கிரவாண்டியில், தி.மு.க., தோற்கடிக்கப்பட்டாக வேண்டும். நாங்குநேரியில், காங்கிரஸ் துடைத்தெறியப்பட வேண்டும். அதை உறுதிப்படுத்த, நாங்கள் செல்கிறோம். இவ்வாறு, அவர் கூறினார்.


சில நாள் முன்பு நடந்தவை !!


தமிழக பாஜகவுக்கு இன்னும் தலைவர் யாரும் நியமிக்கப்படாத நிலையில், முன்னாள் மத்திய அமைச்சர் பொன்.ராதாகிருஷ்ணன் உள்ளிட்டோர் இடைத்தேர்தலில் யாருக்கு ஆதரவு என்பதை தலைமை முடிவு செய்யும் என்று தெரிவித்திருந்தார். 

ஆனால் தமிழக முதல்வர் எடப்பாடி பழனிசாமியோ, ‘அதிமுக பாஜக கூட்டணி தொடர்கிறது’ என்று அறிவித்தார். பாஜக இன்று (அக்டோபர் 4) பிற்பகல் வரை தமிழக இடைத்தேர்தலில் அதிமுகவுக்கு ஆதரவு என்று முறைப்படி அறிவிக்காத நிலையில்,எடப்பாடியோ போன வாரமே கூட்டணி தொடர்கிறது என்று அறிவித்ததன் பின்னணி பாஜகவின் கூட்டணி தர்ம ஆதரவைத் தாண்டிய ஆதரவுதான்.

பாஜக ஆதரவு என்பது இவ்விரண்டு தொகுதிகளிலும் பாஜகவுக்கு இருக்கும் மக்கள் செல்வாக்கை அப்படியே அதிமுகவுக்கு மடைமாற்றுவது என்ற பொதுவான கூட்டணி தர்ம ஆதரவு அல்ல. பாஜக ஆதரவு என்பது மத்திய அரசின் ஆதரவு, தேர்தல் ஆணையத்தின் ஆதரவு என்பதையெல்லாம் சேர்த்துதான் என்பதால்தான் அதிமுக இதில் இவ்வளவு மெனக்கெட்டு வருகிறது.

மோடி தமிழகம் வந்த போது முரளிதர் ராவுடன் ஓபிஎஸ் சும், எடப்பாடியும் பேசிய நிலையில் பாஜகவிடம் இருந்து முறையான ஆதரவு அறிக்கை வரும் என்று எதிர்பார்த்தார்கள். ஆனால் வரவில்லை. அதன் பின் முரளிதர் ராவையும் தொடர்புகொள்ள முடியவில்லை. அதன் பிறகுதான் பியூஷ் கோயலைத் தொடர்புகொண்டிருக்கிறார்கள். குஜராத்துக்கு தூய்மை விருது வாங்க வேலுமணி புறப்பட்டுக்கொண்டிருந்த நிலையில், கோயலும் குஜராத்தில்தான் அக்டோபர் 2 ஆம் தேதி இருந்தார்.

அமைச்சர் ஜெயக்குமாரோடு குஜராத் சென்ற அமைச்சர் வேலுமணி பிரதமரிடம் விருது பெறும் விழாவுக்கு செல்வதற்கு முன்பே பியூஷ் கோயலை சந்தித்துப் பேசினார். தங்கமணியை விட பியூஷ் கோயலுக்கு நெருக்கமானவராக மாறிவிட்டவர் வேலுமணி. இதனால் பல விஷயங்களை அப்போது மனம் விட்டுப் பேசியிருக்கிறார்கள் இருவரும்.

மத்தியத் தலைமை அதிமுக மீது கடுமையான கோபத்தில் இருப்பதாக சொல்லிய பியூஷ் கோயல், இந்த இடைத்தேர்தலில் பாஜகவின் ஆதரவு வேண்டுமென்றால் வருகிற உள்ளாட்சித் தேர்தலில் தமிழகத்தில் பாஜகவுக்கு ஐந்து மாநகராட்சி மேயர் இடங்களை ஒதுக்க வேண்டும் என்று நேரடியாகவே வேலுமணியிடம் கூறியிருக்கிறார். கடைசியாக அறிவிக்கப்பட்ட் ஆவடி மாநகராட்சியோடு சேர்த்து தமிழகத்தில் 15 மாநகராட்சிகள் இருக்கின்றன. இவற்றில் ஐந்து மாநகராட்சி மேயர் பதவிகளுக்கு பாஜக வேட்பாளர்களை அதிமுக கூட்டணியில் நிறுத்த வேண்டும் என்பதுதான் பியூஷ் கோயல் வேலுமணியிடம் வைத்திருக்கும் நிபந்தனை. இதற்கு ஒப்புக் கொள்ளும் பட்சத்தில் இரு தொகுதி இடைத்தேர்தலில் பாஜகவின் ஆதரவு அதிமுகவுக்கு வழங்கப்படும் என்று கூறியிருக்கிறார்கள் பாஜக தரப்பில்.

இதை அங்கிருந்தே எடப்பாடிக்கும் தெரியப்படுத்திவிட்டார் வேலுமணி. ஆனால் எடப்பாடி பழனிசாமி ஆரம்பத்தில் இதற்கு யோசித்திருக்கிறார். பாஜகவே ஐந்து கேட்டால் மற்ற கூட்டணிக் கட்சிகள் எத்தனை கேட்பாங்க, அப்புறம் நம்ம என்ன பண்றது என்றெல்லாம் ஆலோசித்த எடப்பாடி பழனிசாமி ‘ஏத்துக்கறதைத் தவிர்த்து நமக்கு வேற வழி என்ன இருக்கு?என்னென்ன மேயர்னு அப்புறம் பாத்துக்கலாம்’ என்றும் தனக்கு நெருக்கமானவர்களிடம் ஆலோசித்திருக்கிறார். 

பாஜகவின் ஆதரவு அதிமுகவுக்கு விரைவில் அறிவிக்கப்படும் என்று சொல்கிறார்கள். அப்படி அறிவிக்கப்பட்டால் மாட்டுச் சந்தையில் கைமேல் துண்டைப் போட்டு அதிமுகவின் ஐந்து விரல்களை பாஜக பிடித்துவிட்டது என்றுதான் அர்த்தம். இல்லையென்றால் பேரம் இன்னும் படியவில்லை என்றுதான் எடுத்துக் கொள்ள வேண்டும்”


இடைத்தேர்தலும், உள்ளாட்சித் தேர்தலும்! பாஜக ஆதரவு யாருக்கு?