Monday, April 23, 2018

தமிழகத்தில் எழுந்த மோடி எதிர்ப்பலையால் கர்நாடகத்தில் ஆட்சியமைக்கிறது பாஜக!

ad300
Advertisement


கர்நாடகா சட்டசபைத் தேர்தலில் எந்தக் கட்சிக்கும் அறுதி பெரும்பான்மை கிடைக்காமல், மதச்சார்பற்ற ஜனதா தளம் கட்சி அதிக இடங்களில் வெற்றி பெற்று, ஆட்சி அமைப்பதில் அந்தக் கட்சியின் தலைவர் ஹெச்.டி. குமாரசாமிதான் கிங்மேக்கராக இருப்பார் என்பது டைம்ஸ் நவ் மற்றும் விஎம்ஆர் நடத்திய கருத்துக் கணிப்பில் தெரிய வந்துள்ளது..

கர்நாடகா சட்டசபைத் தேர்தல் மே12ஆம் தேதி நடக்கிறது. முடிவு மே 15ஆம் தேதி வெளியாகிறது. இந்தத் தேர்தல் வெற்றி பாஜகவுக்கு தென்னகத்தில் பெரிய எதிர்பார்ப்பாக உள்ளது. இந்த நிலையில் தேர்தலுக்கு முந்தைய கருத்துக் கணிப்பை டைம்ஸ் நவ் மற்றும் விஎம்ஆர் இணைந்து நடத்தியது. இதில் மொத்தமுள்ள 224 இடங்களில் ஆட்சியில் இருக்கும் காங்கிரஸ் 91இடங்களிலும், பாஜக 89 இடங்களிலும், மதச்சார்பற்ற ஜனதா தளம் 40 இடங்களிலும் வெற்றி பெறும் என்பது தெரிய வந்துள்ளது

கர்நாடகாவில் ஆட்சி அமைக்க 112 இடங்களில் வெற்றி பெற்று இருக்க வேண்டும். ஆனால், தற்போது தேர்தல் நடந்தாலும் இந்த பலத்தை இரண்டு தேசிய கட்சிகளான காங்கிரஸ் மற்றும் பாஜக பெறாது. தொங்கு சட்டசபையே அமையும். இந்த சூழ்நிலையில் மதச்சார்பற்ற ஜனதா தளம் தலைவர் ஹெச்.டி. குமாரசாமி ஆட்சி அமைப்பதில் கிங்க்மேக்கராக இருப்பார் என்பது தெரிய வந்துள்ளது.

மும்பை கர்நாடகா:
இந்தப் பகுதியில் லிங்காயத் சமூகத்தைச் சேர்ந்தவர்கள் அதிகளவில் உள்ளனர். இந்த சமூகத்தைச் சேர்ந்தவர்களை தனி மதத்தினராக அங்கீகரிக்க வேண்டும். அவர்களை பிற்பட்டோர் பட்டியலில் சேர்க்க வேண்டும் என்று முதல்வர் சித்தராமையா தலைமையிலான அரசு மத்திய அரசுக்கு பரிந்துரை செய்தது. ஆனால், இந்த விஷயத்தால் இந்தப் பகுதி லிங்காயத் மக்கள் காங்கிரஸ் பக்கம் சாய்ந்து விட்டனர் என்று கூறுவதற்கு இல்லை. கருத்துக் கணிப்பில் 21 தொகுதிகளில் காங்கிரசும், 23தொகுதிகளில் பாஜகவும் வெற்றி பெறும் என்பது தெரிய வந்துள்ளது.

கடலோர கர்நாடகா:
இந்தப் பகுதியில் காங்கிரஸ் 11 இடங்களையும், பாஜக 8 இடங்களையும், மதச்சார்பற்ற ஜனதா தளம் மற்றும் பகுஜன் சமாஜ்வாடிக் கட்சி இரண்டும் இணைந்து 2 இடங்களில் வெற்றி பெறும் என்று தெரிய வந்துள்ளது. இங்கு உத்தரப்பிரதேச முதல்வர் ஆதித்யநாத் மற்றும் கோரக்நாத் மடத்தின் ஜீயர் இருவரையும் நட்சத்திர பிரச்சாகர்களாக பாஜக பயன்படுத்தியுள்ளது.

உத்தரப்பிரதேச முதல்வர் யோகி ஆதித்யாநாத்:
ஸ்டார் பிரச்சாகராக உத்தரப்பிரதேச முதல்வர் யோகி ஆதித்யாநாத் இருப்பது பாஜகவுக்கு வெற்றி வாய்ப்பை கொடுக்குமா? என்ற கேள்விக்கு, 40.37 சதவீதம் பேர் ஆம் என்றும், இல்லை என்று 38.12 சதவீதம் பேரும், கருத்துக் கூற விரும்பவில்லை என்று 21.51சதவீதம் பேரும் தெரிவித்துள்ளனர்.

பகுத்தறிவாதிகளின் கொலைக்கு நீங்கள் எதை காரணமாக கூறுவீர்கள்? இந்து மத துவேசம் அல்லது மோசமான சட்டம் ஒழுங்கு? என்ற கேள்விக்கு 58.18 பேர் சட்டம் ஒழுங்கு என்றும் 41.82 சதவீதம் பேர் இந்து துவேசம் என்றும் கருத்து தெரிவித்துள்ளனர்.

கிரேட்டர் பெங்களூரு:
இந்தப் பகுதியில் பாஜகவுக்கு அதிக செல்வாக்கு உள்ளது. நகரங்களைச் சார்ந்த இந்தப் பகுதியில் பாஜக 32 இடங்களை, அதாவது மூன்றில் இரண்டு மடங்கு வெற்றி கிடைக்கும்.

மத்திய கர்நாடகா:
இந்தப் பகுதியில் பாஜக 22 இடங்களை கைப்பற்றும். கடந்த 2013 தேர்தலில் வெறும் 4 இடங்களை மட்டுமே இங்கு கைப்பற்றி இருந்தது. இங்கு காங்கிரசின் வெற்றி 19 இடங்களில் இருந்து 10 ஆக சரியும் எனத் தெரிய வந்துள்ளது. மதச்சார்பற்ற ஜனதா தளம்3 இடங்களை கைப்பற்றும்.

இங்கு கடந்த கால எடியூரப்பாவின் செயல்பாடுகள் கட்சியின் வெற்றியை பாதிக்குமா என்ற கேள்விக்கு, ‘’இல்லை என்று 39.59சதவீதம் பேரும், ஆம் என்று 32.12 சதவீதம் பேரும், கருத்துக் கூற விரும்பவில்லை என்று 28.29 சதவீதம் பேரும் தெரிவித்துள்ளனர்.

ஐதராபாத் கர்நாடகா:
இங்கு பாஜக 15 இடங்களிலும், காங்கிரஸ் 12 இடங்களிலும், மதச்சார்பற்ற ஜனதா தளம் மற்றும் பகுஜன் சமாஜ் கட்சி 3 இடங்களிலும் வெற்றி பெறும் என்பது தெரிய வந்துள்ளது.

பழைய மைசூர்:
இந்தப் பகுதியில் ஒக்கலிகா சமூகத்தினர் அதிகளவில் இருப்பதால் மதச்சார்பற்ற ஜனதா தளம் 25 இடங்களிலும், காங்கிரஸ் 20 இடங்களிலும், பாஜக 8 இடங்களிலும் வெற்றி பெறும் என்று கணிக்கப்பட்டுள்ளது.
Share This
Previous Post
Next Post

Pellentesque vitae lectus in mauris sollicitudin ornare sit amet eget ligula. Donec pharetra, arcu eu consectetur semper, est nulla sodales risus, vel efficitur orci justo quis tellus. Phasellus sit amet est pharetra