This is default featured slide 1 title

Go to Blogger edit html and find these sentences.Now replace these sentences with your own descriptions.This theme is Bloggerized by NewBloggerThemes.com.

This is default featured slide 2 title

Go to Blogger edit html and find these sentences.Now replace these sentences with your own descriptions.This theme is Bloggerized by NewBloggerThemes.com.

This is default featured slide 3 title

Go to Blogger edit html and find these sentences.Now replace these sentences with your own descriptions.This theme is Bloggerized by NewBloggerThemes.com.

This is default featured slide 4 title

Go to Blogger edit html and find these sentences.Now replace these sentences with your own descriptions.This theme is Bloggerized by NewBloggerThemes.com.

This is default featured slide 5 title

Go to Blogger edit html and find these sentences.Now replace these sentences with your own descriptions.This theme is Bloggerized by NewBloggerThemes.com.

Monday, December 17, 2018

கொட்டமடித்த தினகரன்? கொதித்துப் போன தங்கதமிழ்ச் செல்வன்? பெங்களூர் பரபரப்பு!!


தினகரன் அணியான அமமுகவில் மீண்டும் ஒரு சலசலப்பு. தகுதி நீக்கம் செய்யப்பட்ட எம்.எல்.ஏக்களில் இருவரின் பெயர்கள் பலமாக அடிபட ஆரம்பித்திருக்கிறது.

 ஒருவர் தங்க.தமிழ்ச்செல்வன் மற்றொருவர் கதிர்காமு. இருவரும் தேனி மாவட்டத்தைச் சேர்ந்தவர்கள். சில தினங்களுக்கு முன்பு எம்.ஆர்.சி. நகரில் உள்ள லீலா பேலஸ் ஹோட்டலுக்கு சென்று, தங்க தமிழ்ச்செல்வனும், கதிர்காமுவும் காத்திருந்தார்களாம். கொஞ்ச நேரத்தில் அந்த ஹோட்டலுக்கு மின்சாரத் துறை அமைச்சர் தங்கமணி வந்திருக்கிறார். இருவருடனும் தங்கமணி சுமார் 2 மணி நேரத்துக்கும் மேலாக பேசியிருக்கிறார். 

அப்போது தங்கமணி, ’இப்படியே போனால் எதிர்காலம் என்ன ஆகும்னு யோசிங்க. உங்களுக்கு என்ன வேணுமோ அதை செய்ய தயாராக இருக்கோம். உங்களுக்கு (தங்க தமிழ்ச்செல்வன்) முன்பே அமைச்சர் பதவி கொடுக்க அண்ணன் ரெடியாகத்தான் இருந்தாரு. தேர்தல் வந்தால், நீங்க போட்டியிட்ட அதே தொகுதிகளில் ரெண்டு பேரும் போட்டியிடுங்க. செலவை பற்றி கவலை வேண்டாம். நாங்க பார்த்துக்குறோம். ஜெயிச்சதும் உங்களுக்கு அமைச்சர் பதவி தேடி வரும். அதுக்கு நான் கியாரண்டி..’ என்று சொன்னாராம்.

 அதற்கு தங்க தமிழ்ச்செல்வன், ‘நானும் சரி... கதிர்காமுவும் சரி... ரொம்பவே டீசன்ட்டா அரசியல் பண்றோம். ஓ.பி.எஸ்ஸை எதிர்த்து அரசியல் செஞ்சதாலதான் ஆரம்பத்துல இருந்தே எங்க மீது அவரு கோபத்துல இருக்காரு. இப்போ நாங்க அங்கே வந்தாலும் அவரு எங்களுக்கான மரியாதையை கொடுப்பாரான்னு தெரியாது. கட்சியில் எங்களை வளர விடுவாரான்னும் தெரியாது. அப்புறம் எந்த நம்பிக்கையில் நாங்க வர முடியும்?’ என்று கேட்டிருக்கிறார்.

 அதற்கு அமைச்சர் தங்கமணி, ‘உங்களை விட அதிகமா யோசிக்கிறவன் நான். உங்களை சந்திக்க வருவதற்கு முன்பே அண்ணன் ஓ.பி.எஸ்,கிட்ட பேசிட்டேன். அவரால உங்களுக்கு இனி எந்த சிக்கலும் வராது. அவருகிட்ட பேசிட்டோம். நீங்க நம்பி வரலாம்...’ என்று சொல்லி இருக்கிறார். இப்படியாக பேச்சுப் போய்க் கொண்டிருக்க.. திடீரெனெ பன்னீருக்கு போன் போட்டுக் கொடுத்துவிட்டாராம் தங்கமணி.

 ‘நடந்தது எதையும் யோசிக்க வேண்டாம். நானும் அதையெல்லாம் மறந்துட்டேன். நீங்களும் மறந்துடுங்க. வாங்க எல்லோரும் சேர்ந்து செயல்படுவோம்...’ என்று பன்னீர் சொன்னாராம். ‘நான் எதுவும் தப்பா நினைக்கலைங்க...’ என்று தங்க தமிழ்ச்செல்வனின் பேச்சு அத்துடன் மாறிவிட்டதாம். அதிமுகவில் இணைவதற்கு இருமனதாக தமிழ்ச்செல்வன் தலையாட்டிவிட்டு, ‘கொஞ்சம் எனக்கு டைம் கொடுங்க...’ என்று கேட்டிருக்கிறார்.

 லீலா பேலஸ் ஹோட்டல் சந்திப்புக்கு பிறகு, தினகரனை சந்தித்திருக்கிறார் தங்க தமிழ்ச்செல்வன். அப்போது, சில விஷயங்களை வெளிப்படையாகவே பேசி இருக்கிறார்.

செந்தில்பாலாஜி திமுக பக்கம் போகப் போறாருன்னு 3 மாசத்துக்கு முன்பே உங்ககிட்ட சொன்னேன். அப்போ நீங்க, சின்னம்மாவை பார்க்கப் போனீங்க. ‘யாரு வேணும்னாலும் போகட்டும்’னு சின்னம்மாவே சொன்னதாக சொன்னீங்க. ஆனா சின்னம்மா அப்படி சொன்னாங்களான்னு எங்க எல்லோருக்கும் சந்தேகம் இருக்கு. அப்பவே செந்தில்பாலாஜியோட பேசி இருந்தால் இப்போ அவரு போயிருக்கவே மாட்டாரு...’ என்று சொல்லியிருக்கிறார். அதற்கு தினகரனோ, ‘நான் என்னவோ சின்னம்மாகிட்ட பேசாமல் நானே வந்து சொன்ன மாதிரி சொல்றீங்க.... ‘ என்று கேட்டிருக்கிறார். ‘பல எம்.எல்.ஏ.க்கள் அப்படித்தான் நினைக்கிறாங்க...’ என்று தங்க தமிழ்ச்செல்வன் வெளிப்படையாகவே சொல்லியிருக்கிறார்.

 அப்போதைக்கு தங்க தமிழ்ச்செல்வனை சமாதானப்படுத்தி அனுப்பிவிட்டாராம் தினகரன். அதன் பிறகுதான், தங்க தமிழ்ச்செல்வனை அமைச்சர் தங்கமணி சந்தித்துப் பேசியது தினகரன் கவனத்துக்குப் போயிருக்கிறது.

 பதறிப்போன தினகரன் மீண்டும் தங்க தமிழ்ச்செல்வனை தொடர்பு கொண்டு பேசியிருக்கிறார். ‘சின்னம்மாவை பார்க்க நான் பெங்களூரு போறேன். நீங்களும் வாங்க. மற்ற எம்எல்ஏக்கள் யாரு வராங்களோ எல்லோரையும் கூட்டிட்டுப் போவோம்...’ என்று சொல்லி இருக்கிறார். தங்க தமிழ்ச்செல்வனை சமாதானப்படுத்தவே பெங்களூருக்கு அழைத்திருக்கிறார் தினகரன்.

 நேற்று பரப்பன அக்ரஹாரா சிறையில் தகுதி நீக்கம் செய்யப்பட்ட 12 எம்.எல்.ஏக்களுடன் சசிகலாவை பார்த்திருக்கிறார். அப்போது, செந்தில்பாலாஜி விவகாரம் தொடர்பாக எதுவும் பேசவில்லையாம். சாதாரணமாக நலம் விசாரித்துவிட்டு அனுப்பிவிட்டாராம். 12 பேரும் வெளியே வந்த பிறகு தினகரன் மட்டும் 20 நிமிடங்கள் சசிகலாவுடன் தனியாகப் பேசிவிட்டு வந்திருக்கிறார். பெங்களூரு ஹோட்டலில் வைத்து தங்க தமிழ்ச்செல்வனை சமாதானப்படுத்தும் முயற்சியையும் தொடர்ந்து வருகிறார் தினகரன்” #நன்றி Minnambalam.com 

இதற்கிடையே காங்கிரஸின் முக்கியத் தலைவர்களுடன் கூட்டணி குறித்த ரகசிய பேச்சு வார்த்தைகளில் ஈடுபட்டு வந்த தினகரனின் முயற்சிகளைத் திமுக தலைவர் முறியடித்துள்ளார்...

 ம.பி., ராஜஸ்தான், சத்தீஸ்கர் உள்ளிட்ட, ஐந்து மாநிலங்களில், பா.ஜ., தோல்வி அடைந்துள்ளது. இதனால், தமிழகத்தில் உள்ள, 40 தொகுதிகளையும், பா.ஜ., கூட்டணி கைப்பற்ற வேண்டிய நிர்ப்பந்தம் ஏற்பட்டுள்ளது. சென்னையில் நடந்த கருணாநிதி சிலை திறப்பு விழா வாயிலாக, தி.மு.க., - காங்கிரஸ் கூட்டணி உறுதி செய்யப்பட்டுள்ளது.

 மேலும், தி.மு.க.,வுடன் தொகுதி பங்கீடு பிரச்னை ஏற்பட்டு, காங்கிரஸ் தலைமையில், அ.ம.மு.க., - பா.ம.க., - தே.மு.தி.க., மக்கள் நீதி மையம் ஆகிய கட்சிகள் இணைந்த, மூன்றாவது அணி அமைக்க முடியாத அளவிற்கு, ஸ்டாலின் திட்டமிட்டு காய் நகர்த்தி உள்ளார். அதே சமயம், பிரதமர் வேட்பாளர் பதவிக்கு, சந்திரபாபு நாயுடு, மம்தா பானர்ஜி, மாயாவதி, சரத் பவார் போன்ற தலைவர்கள் போட்டி போடுவதற்கும், முட்டுக்கட்டை போட்டுள்ளார்.

 இதனால், தி.மு.க., - காங்கிரஸ் கூட்டணிக்கு எதிராக, அ.தி.மு.க., - பா.ஜ., கட்சிகள் கூட்டணி அமைத்தாக வேண்டிய நெருக்கடி ஏற்பட்டுள்ளது. எனவே, பிளவுபட்டு உள்ள, அ.தி.மு.க., ஒன்றானால் தான், அக்கட்சியின் ஓட்டுகள் மொத்தமாக, பா.ஜ., கூட்டணிக்கு கிடைக்கும் என, டில்லி மேலிடம் கருதுகிறது. எனவே, அ.தி.மு.க., - அ.ம.மு.க., இணைய வேண்டும் என்ற விருப்பத்தை, பா.ஜ., மேலிடம், முதல்வர் பழனிசாமி தரப்புக்கு தெரிவித்துள்ளது.

தமிழக தலைவர் ஒருவர் வழியாக, இதற்கு தூதும் அனுப்பப்பட்டு உள்ளது. இதையடுத்து, இணைப்பு குறித்த பேச்சு, திரைமறைவில் துவக்கப்பட்டுள்ளது. இரு கட்சிகளும் இணைந்த பின், முதல்வர் பதவிக்கு பழனிசாமியும், பொதுச்செயலர், துணை முதல்வர் பதவிக்கு பன்னீர் செல்வமும், துணை பொதுச்செயலர் பதவிக்கு தினகரனும் தேர்வு செய்யப்படலாம் என, பேசப்பட்டுள்ளது.

மேலும், அவைத் தலைவர் பதவிக்கு பொன்னையன், பொருளாளர் பதவிக்கு செங்கோட்டையன் ஆகியோர் தேர்வு செய்யப்படுவது குறித்தும், இரு தரப்பிலும் விவாதிக்கப்பட்டு உள்ளது.

 தினகரன் பிடிவாதம்!

 இதில், பொதுச்செயலர் பதவியை, சசிகலாவுக்கு தர வேண்டும் என்றும், தனக்கு துணை முதல்வர் பதவி வேண்டும் என்றும், தினகரன் முரண்டு பிடிப்பதாக கூறப்படுகிறது. இதனால், முரண்டு பிடிக்கும் தினகரனை, 'கழற்றி' விட்டு, மற்றவர்களை ஒருங்கிணைக்கும் ரகசிய திட்டமும், இரு தரப்பிலும் உள்ளது.

அதேபோல், பொதுச்செயலர், முதல்வர், இரண்டு பதவிகளும், தனக்கு வேண்டும் என, பழனிசாமியும் கொடி பிடிப்பதாக கூறப்படுகிறது.

 இந்நிலையில்,

நேற்று பெங்களூரு சிறையில் உள்ள சசிகலாவை, தினகரனும், அவரது ஆதரவாளர்களும் சந்தித்து, முக்கிய ஆலோசனை நடத்தினர்.இது குறித்து, ஆளும் கட்சி வட்டாரங்கள் கூறியதாவது:இந்த ஆண்டின் இறுதிக்குள், இரு கட்சிகளும் இணைந்து விட்டால், உச்ச நீதிமன்றத்தில் நடந்து வரும் பன்னீர்செல்வம் உட்பட, 11 எம்.எல்.ஏ.,க்கள் வழக்கு மற்றும் தினகரன் மீதான தேர்தல் கமிஷன் வழக்கு , மறைந்த முன்னாள் முதல்வர் ஜெயலலிதா மரணம் தொடர்பாக அமைக்கப்பட்ட விசாரணை ஆணையம்,உள்ளிட்ட அனைத்து வழக்குகளும் வாபஸ் பெறப்படும் வாய்ப்புகள் இருப்பதாகவும் தகவல்கள் தெரிவித்துள்ளன.
Share:

Monday, December 10, 2018

"அம்மா"வின் மரணம் திட்டமிட்ட படுகொலை? டாக்டர் சிவக்குமார் வாக்குமூலம்!

ஜெயலலிதா மரணம் தொடர்பாக விசாரிக்க அமைக்கப்பட்ட ஆறுமுகசாமி விசாரணை ஆணையத்தில் விசாரிக்கப்பட்ட சாட்சியான டாக்டர். சிவகுமாரின் லேட்டஸ் சாட்சியம் அதிர்ச்சியோடு பார்க்கப்படுகிறது. அதுதான் சசிகலா குடும்பத்துக்கு பயங்கர அரசியல் நெருக்கடியை ஏற்படுத்தும் என்றும் சொல்கிறார்கள். சசிகலாவின் உறவினர்தான் டாக்டர். சிவகுமார். ஜெயலலிதாவுக்கு போயஸ்கார்டனில் இருந்தபோதும், அப்பல்லோவில் அனுமதிக்கப்பட்ட போதும் சிகிச்சை அளித்தவர்களில் முக்கியமானவர் இந்த சிவகுமார். அவரிடம் ஆறுமுகசாமி ஆணையத்தில் விசாரணை நடந்தது. ஆணையத்தின் வழக்கறிஞர் பார்த்தசாரதி அப்பல்லோ மருத்துவமனை குறிப்புகளை கையில் வைத்துக் கொண்டு, ‘அமெரிக்காவில் இருந்து இதய சிகிச்சை நிபுணர் ஸ்டுவர்ட் ரசல் வந்தார். அவர் ஜெயலலிதாவை கொரனரி ஆஞ்சியோ சிகிச்சைக்கு உட்படுத்த வேண்டும் என்று சொல்லி இருக்கிறார். சிகிச்சைக்கான குறிப்பிலும் அதை எழுதி இருக்கிறார். உங்க குடும்பத்தினர் எல்லோருமா சேர்ந்து அமெரிக்காவில் இருந்து சமின் சர்மா என்ற இதய சிகிச்சை நிபுணரை வர வெச்சுருக்கீங்க. அவரும் ஜெயலலிதாவுக்கு கொரனரி ஆஞ்சியோ செய்யணும்னுதான் சொல்லி இருக்காரு. அந்த சிகிச்சையை தானே செய்வதாகவும் அந்த மருத்துவ நிபுணர் சொல்லியிருக்காரு. இதையெல்லாம் மருத்துவ குறிப்பில் அவரே எழுதியிருக்காரு. ஆனால் ஆஞ்சியோ ஜெயலலிதாவுக்கு செய்யவே இல்லை. இதய சிகிச்சைக்கு சற்றும் தொடர்பே இல்லாத லண்டன் டாக்டர் ரிச்சர்டு பீலே சொன்னதை ஏற்று ஆஞ்சியோ சிகிச்சை அளிக்கப்படவில்லை என்று அதில் குறிப்பிட்டு இருக்கீங்க. அதுக்கு ரெஃபரன்ஸ் உங்க பேரைத்தான் போட்டு இருக்காங்க. இது உங்களுக்கு தெரியுமா?” என்று கேட்டிருக்கிறார். அதற்கு டாக்டர் சிவகுமார், “தெரியும்” என்று மட்டும் சொல்லி இருக்கிறார். தொடர்ந்து வழக்கறிஞர் பார்த்தசாரதி அடுத்த கேள்வியை கேட்டிருக்கிறார். “ஒருவேளை ஜெயலலிதா இப்போது எழுந்து வந்து, ‘உன்னை எவ்வளவு நம்பினேன்... ஏன் ஆஞ்சியோ செய்யவில்லை? உன்னை நம்பினதுக்கு இப்படியா செய்வீங்க?” என்று கேட்டால் என்ன பதில் சொல்வீங்க?’ என்று கேட்டிருக்கிறார். சிவகுமாரால் பதில் சொல்ல முடியாமல் கிட்டதட்ட 4 நிமிடங்கள் கதறி அழ ஆரம்பித்துவிட்டாராம். ‘அழுவதால் எதுவும் ஆகப் போறது இல்ல. பதில் சொல்லுங்க...’ என்று விடாமல் கேட்டாராம் ஆணைய வழக்கறிஞர். அதற்கு சிவகுமார், ‘இப்போ வரைக்கும் அம்மாவுக்கு ஆஞ்சியோ செய்திருக்கலாமோ, செய்திருந்தா அம்மாவைக் காப்பாத்தியிருக்கலாமோ என்ற குற்ற உணர்வு மட்டும் என் மனதை அறுத்துக்கிட்டேதான் இருக்கு. செஞ்சிருக்கணும். ஆனால் செய்யலை.’ என்று சொன்னாராம். ‘இதை நோட் பண்ணிக்கோங்க...’ என்று சொல்லிவிட்டு அமர்ந்துவிட்டாராம் வழக்கறிஞர் பார்த்தசாரதி. அதன் பிறகு சசிகலா தரப்பு வழக்கறிஞரான ராஜா செந்தூர்பாண்டியன் குறுக்கு விசாரணை தொடங்கியது. சிவகுமாரிடம் அவரும் ஒரு கேள்வியை முன்வைத்தார். ‘நீங்க ஜெயலலிதாவின் நம்பிக்கைக்கு உரியவர். அவருடைய குடும்ப உறுப்பினர் என்றே உங்களை சொல்லலாம். அப்படிப்பட்ட உங்களுக்கு ஜெயலலிதாவுக்கு அளித்த சிகிச்சையில் திருப்தி இருக்கிறதா?’ என்பதுதான் அந்த கேள்வி. அதற்கு உடனே பதில் சொல்லாமல் சற்று யோசித்துவிட்டு, ‘ ஆஞ்சியோ சிகிச்சையும் செய்திருக்கலாமோ என்ற வேதனை எனக்குள் இன்னும் இருக்கிறது. மற்றபடி என்னால் முடிந்த எல்லாவற்றையும் செய்தேன்” என்று சொன்னாராம். ’ஜெயலலிதாவுக்கு இதயத்தில் உள்ள மைட்ரல் வால்வில் எண்டிரோ காக்கஸ் என்ற நுண்ணுயிர் தொற்று இருந்திருக்கிறது. இது வெடித்து மூளைக்குச் சென்று ரத்தக் குழாயில் அடைப்பு ஏற்பட்டால் பக்கவாதம் ஏற்படும். இதயத்தில் தங்கினால் இதயம் பாதிக்கும் என்பதை ஆணையத்தில் ஏற்கெனவே சாட்சியம் அளித்த மருத்துவர்கள் தெளிவாக சொல்லியிருக்கிறார்கள். அதை வைத்துப் பார்க்கும் போது, ஜெயலலிதாவுக்கு ஆஞ்சியோ செய்யாததால்தான் மாரடைப்பு ஏற்பட்டு இறந்திருப்பாரோ என்ற சந்தேகம் வருகிறது.’ என்று பார்த்தசாரதி சொல்ல... அமைதியாகவே இருந்தாராம் வழக்கறிஞர் ராஜா செந்தூர் பாண்டியன். ஆணையத்தின் கிடுக்குப்பிடி கேள்விகளால் சிவகுமார் ஏன் அப்படி அழுதார்... ஏன் திடீரென பேசக் கூடாததை பேசினார் என்றெல்லாம் தெரியாமல் குழப்பத்தில் இருக்கிறது தினகரன் தரப்பு” #நன்றி Minnambalam.com
மேற்கண்ட தகவல்கள் தினகரன் மற்றும் சசிகலா தரப்பிற்கு தெரியவந்ததையடுத்து விசாரணை ஆணையத்தின் செயல்பாடுகளை முடக்க என்ன வழி என்று ஆலோசித்த தினகரன் தரப்பு அமமுக-அதிமுக இணைப்பு என்ற அஸ்திரத்தை செயல்படுத்த துவங்கியது...
மேலும் தினகரனுக்கு பெருமளவில் பொருளாதார ரீதியாக உதவிய பலரையும் மத்திய உளவுப்பிரிவும், வருமானவரித்துறையும் தொடர்ந்து கண்காணித்து வருவதால் இனியும் அமமுக வை தொடர்ந்து வலுப்படுத்த முடியாத கையறு நிலையில் அமமுக-அஇஅதிமுக இணைப்பை வலியுறுத்தி கடந்த டிசம்பர் 4 ந்தேதி தலைநகர் டில்லியில் பாஜக தலைவர்களில் ஒருவரான சுப்ரமண்யம் சாமியுடன் ரகசிய ஆலோசனை மேற்கொண்ட தினகரன் சாமி கூறிய ஆலோசனைகளின்படியே தற்போது தனது ஆதரவாளர் தங்கதமிழ்ச் செல்வன் மூலமாக அமமுக-அதிமுக இணைப்புக்கு தயாராக உள்ளதாக செய்திகளை மீடியாக்களில் கசியவிடுகிறார்.... சில நாட்களுக்கு முன்னர் விசிக தலைவர் திருமாவளவன் அமமுக-அஇஅதிமுக இணைப்பு பற்றி தினகரனை சந்தித்தபோது கேட்டிருக்கிறார்... அதற்கு தினகரனோ அஇஅதிமுகவில் முக்கியமான மூவரைக் கட்சியிலிருந்து நீக்கினால் தாராளமாக நாங்கள் இணையத் தயார் என்று கூறியிருக்கிறார்.. அவர்கள் யார் என்று நமக்கு கிடைத்த விவரம் 1,மீன்வளத்துறை 2,உள்ளாட்சித்துறை 3, மின்சாரத்துறை... எது எப்படியோ அம்மாவின் மரணத்தை மையமாக வைத்தே இன்னும் பல நகர்வுகள் இருக்கப் போகிறது... இறுதியில் அம்மாவின் மரணப் படுகொலையில் தொடர்புடைய அனைவரும் தண்டிக்கப்படுவார்கள் என்பது திண்ணம்.....
Share:

Friday, December 7, 2018

திருப்பரங்குன்றத்தில் வேட்பாளராகும் அஇஅதிமுக தொழில்நுட்ப பிரிவு செயலாளர் ராஜ்சத்யன்!

மறைந்த முதல்வர் அம்மா அவர்களின் மறைவுக்குப்பிறகு ஆளும் அஇஅதிமுக கட்சியில் பல்வேறு நபர்களும் தங்களை முன்னிறுத்த பல்வேறு வகைகளில் போராடி வருகின்றனர்....



இந்த நிலையில் அஇஅதிமுக தொழில்நுட்ப பிரிவு நிர்வாகிகளில் ஒருவரும் சட்டமன்ற உறுப்பினர் வி.வி. ராஜன் செல்லப்பா அவர்களின் மகனுமான ராஜ் சத்யன் சமீபகாலமாக ரகசியமாக தனக்கான செல்வாக்கை உயர்த்தும் வகையில் மதுரை சுற்றுவட்டாரங்களில் உள்ள கல்லூரிகளில் மாணவர்ளிடையே அவ்வப்போது கலந்துரையாடல்,  விளையாட்டுப்போட்டிகள் என்று அஇஅதிமுகவுக்கென்று இருக்கும் வாக்குவங்கியை உயர்த்த தீவிரமாக களப்பணியாற்றி வருவதாக நமக்கு தகவல்கள் கிடைத்தது..



நமக்கு கிடைத்த தகவல்களின் உண்மைத்தன்மையை உறுதி செய்துகொள்ளவும், திருப்பரங்குன்றம் இடைத்தேர்தலில் யாருக்கு வெற்றி வாய்ப்பு என்பதை அறியும் நோக்கில் திருப்பரங்குன்றம் பகுதிகளில் மக்களின் மனநிலையை அறிந்துகொள்ள முற்பட்டோம்.... பெருவாரியான இளைஞர்களும், புதிய வாக்காளர்களும் #அஇஅதிமுக வை தாங்கள் ஆதரிப்பதாக கருத்து தெரிவித்தனர்..    ஆளும்   அஇஅதிமுக வை எதிர்க்கட்சிகள் கடுமையாக விமர்சித்து வரும் நிலையிலும் மதுரை மக்களிடையே அஇஅதிமுகவின் செல்வாக்கு சரிவடையாமல் இருக்கும் காரணத்தை அறிய முற்பட்டோம்.... அதுகுறித்த தகவல்கள் மக்களின் பார்வைக்கு!!! அஇஅதிமுக தொழில்நுட்ப மாநில நிர்வாகிகளிடையே யார் பெரியவன் என்கிற ரீதியிலான சமூகவலைதள  மோதல்கள் நாள் தோறும் அரங்கேறிவருகிறது....



இந்நிலையில் கடந்த சிலவாரங்களுக்கு முன்பு அஇஅதிமுக துணை ஒருங்கிணைப்பாளரும்,தமிழக முதல்வருமான "எடப்பாடி கே பழனிச்சாமி அவர்களை சேலத்தில் அவரது இல்லத்தில் சந்தித்துப் பேசிய ராஜ் சத்யன் வரவிருக்கும் நாடாளுமன்றத்தேர்தலில் தனக்கு மதுரை தொகுதியில் எம்பியாக போட்டியிட வாய்ப்பளிக்க வேண்டுமென கோரிக்கையை முன்வைத்துப் பேசியுள்ளார்.... அதற்கு முதல்வரோ மதுரைப் பகுதியில் உங்களுக்கு இருக்கும் செல்வாக்கை உயர்த்துங்கள், விரைவில் வரவிருக்கும் திருப்பரங்குன்றம் இடைத்தேர்தலில் அஇஅதிமுக அமோக வெற்றிபெற ஆவண செய்யுங்கள், அதன்பிறகு நாடாளுமன்றத் தேர்தல் வேட்பாளராகலாம் என்று அறிவுறுத்தியுள்ளார் தமிழகமுதல்வர்....     இதனையடுத்து களமிறங்கிய ராஜ் சத்யன்  திருப்பரங்குன்றம் தொகுதிக்குட்பட்ட பகுதிகளில் வசிக்குகும் புதிய வாக்காளர்களிடையேயும், இளைஞர்களிடையேயும் அஇஅதிமுக அரசின் சாதனைகளைக் கூறும் வகையிலான கருத்தரங்கங்களையும்,இளைஞர்கள் ரசிக்கும் வகையிலான கலை நிகழ்ச்சிகளையும், விளையாட்டுப் போட்டிகளையும் நடத்தியதால் குறிப்பட்ட சதவீத இளைஞர்களிடையே அஇஅதிமுக வின் செல்வாக்கு உயரத்துவவங்கியது....



மேலும் திருப்பரங்குன்ற வேட்பாளராக முயற்சிகள் மேற்கொண்ட முன்னாள் அஇஅதிமுக சட்டமன்ற உறுப்பினரும், அஇஅதிமுக ஒருங்கிணைப்பாளர் ஓ.பன்னீ செல்வத்தின் ஆதரவாளருமான முத்துராமலிங்கம் அவர்களின் ஆதரவாளர்களும் தங்கள் பங்குக்கு வீடுகள் தோறும் மேற்கொண்ட பிரச்சாரங்களின் விளைவாகவும் குறிப்பபிட்ட அளவு அஇஅதிமுக ஆதரவு மனநிலை மக்களிடையே உயர்வடைந்தது... இது தொடர்பாக தனியார் அமைப்புகள் மேற்கொண்ட சர்வே முடிவுகளும் அஇஅதிமுக வுக்கு திருப்பரங்குன்றத்தில் வெற்றி வாய்ப்பு பிரகாசமாக இருப்பதை சுட்டடிக்காட்டடியுள்ளன...

அந்த சர்வே முடிவுகளை முதல்வரும் அஇஅதிமுக இணை ஒருங்கிணைப்பபாளருமான எடப்பாடியாரிடம் சமர்ப்பித்து, தன்னுடைய கடும் முயற்சியால் தான் திருப்பரங்குன்றத்தில் அஇஅதிமுக ஆதரவு நிலை அதிகரித்துள்ளது, எனவே தனக்கு திருப்பரங்குன்ற தொகுதி இடைத் தேர்தலில் போட்டியிட வாய்ப்பளிக்க வேண்டுமென்று கோரிக்கை வைத்தார், ராஜ்சத்யன்...
அதற்கு எடப்பாடியாரோ தாராளமாக நீங்க போட்டியிடுங்க... ஆனா அஇஅதிமுகவில் வேறு யாரும் திருப்பரங்குன்றம் இடைத்தேர்தலில் போட்டியிட வாய்ப்பு கேட்டு வந்துடக்கூடாது,அப்படி வந்தால் சீனியாரிட்டி அடிப்படையில் வாய்ப்பு கொடுக்க நேரிடும் என்று கூறியுள்ளார்...

அதைத் தொடர்ந்து திருப்பரங்குன்ற இடைத்தேர்தல் வேட்பாளர் என்று பலராலும் பேசப்பட்ட முத்துராமலிங்கத்தை சந்தித்து கடந்த நவம்பர் 7ந்தேதி அன்று ராஜன் செல்லப்பா மற்றும் ராஜ் சத்யன் கூடவே சில பத்திரிக்கையாளர்களும் சமரசம் செய்து கொண்டதாகவும், திருப்பரங்குன்ற தேர்தலில் தான் போட்டியிடப் போவதில்லை என்று முத்துராமலிங்கம் கூறியதாகவும் நம்க்கு தகவல் கிடைத்தது...


 இதன் உண்மைத்தன்மையை அறிந்து கொள்ள முத்துராமலிங்கத்தின் தீவிர ஆதரவாளரைத் தொடர்பு கொண்டு பேசினோம்... அவர் மேற்கண்ட தகவல் உண்மையில்லை, முத்துராமலிங்கம் அவர்களே திருப்பரங்குன்ற வேட்பாளரென்று அடித்ததுக் கூறினார்....



ஆனால் நேற்று தனியார் தொலைக்காட்சி விவாதமொன்றில் அரசியல் விமர்சகர் ரவீந்திரன் துரைசாமி ராஜ்சத்யன் திருப்பரங்குன்றத்தில் போட்டியிடுவதை உறுதி செய்துள்ளார்...

யார் போட்டியிட்டாலும் எதிரணி உள்ளடி வேலைகளைச் செய்து ஆர்கே நகர் போன்ற தோல்வியை அஇஅதிமுவுக்கு பெற்றுத்தந்து விடுமோ என்பதே தற்போதைய அஇஅதிமுக வினரின் மனநிலையாக உள்ளது என்பதே நிதர்சனம்....












Share:

Labels

Unordered List

Definition List